കാഞ്ഞിരപ്പള്ളി: എച്ച്1 എന്1 സ്ഥിരീകരിച്ചതിനെത്തുടര്ന്ന് കപ്പാട് മേഖലയില് പ്രതിരോധപ്രവര്ത്തനങ്ങളുമായി ആരോഗ്യവകുപ്പ്.
കഴിഞ്ഞ ദിവസം പനി ബാധിച്ച് ചികിത്സയിലിരിക്കെ മരിച്ച യുവാവിന് എച്ച്1 എന്1 സ്വകാര്യ ആശുപത്രിയിലെ പരിശോധനയില് ആരോഗ്യവകുപ്പ് സ്ഥിരീകരിച്ചിരുന്നു. ഔദ്യോഗിക സ്ഥിരീകരണത്തിന് പരിശോധനയ്ക്കായി അയച്ചിട്ടുണ്ടെന്ന് ആരോഗ്യവകുപ്പ് അറിയിച്ചു.
പകര്വ്യാധി വ്യാപന നിരോധന പ്രോട്ടോക്കോള് പ്രകാരമായിരുന്നു മരണാനന്തര ചടങ്ങുകള് നടത്തിയത്.
രോഗം സ്ഥിരീകരിച്ച ആളുമായി സന്പർക്കത്തിലുള്ളവരുടെയും വീട്ടുകാരുടെയും അടക്കം 22 പേരുടെ വിവരങ്ങളെടുത്ത് രോഗലക്ഷണം സംബന്ധിച്ച് വിവരങ്ങള് ശേഖരിച്ചിരുന്നു.
സന്പർക്കപ്പട്ടികയിലുള്ളവര്ക്കാര്ക്കും രോഗലക്ഷണങ്ങളില്ലെന്നാണ് പ്രാഥമിക പരിശോധനയില് കണ്ടെത്തിയതതെന്ന് ആരോഗ്യവകുപ്പ് അധികൃതര് അറിയിച്ചു.
രോഗ ലക്ഷണങ്ങളുള്ളവര്ക്ക് പ്രതിരോധ പ്രവര്ത്തനങ്ങള്ക്കുള്ള ഗുളിക നല്കുമെന്ന് അധികൃതര് അറിയിച്ചു. രോഗലക്ഷണം സ്ഥിരീകരിച്ച സ്ഥലത്തെ പഞ്ചായത്തിലെ ഒന്ന്, രണ്ട് വാര്ഡുകളിലെ വീടുകളിലെത്തി ആരോഗ്യപ്രവര്ത്തകർ വിവരശേഖരണം നടത്തി.
0 അഭിപ്രായങ്ങള്